Səfər zamanı Macarıstan nümayəndə heyəti müasir kampusun imkanları və infrastruktur obyektləri ilə yaxından tanış olub. Görüşün ən yadda qalan məqamlarından biri BME-nin rektoru Charaf Hassanın əvvəllər bu universitetdə təhsil almış BANM-in müəllimlərindən biri ilə görüşməsi olub. Bu hadisə hər iki müəssisə arasında mövcud olan dərin şəxsi və peşəkar əlaqələri bir daha vurğulayıb.
Tərəflər gələcək əməkdaşlığın bir neçə əsas istiqamətini nəzərdən keçiriblər. Qeyd olunub ki, BME dünyanın ən qədim texnoloji institutlarından biri kimi (1782-ci ildə təsis edilib) zəngin və nüfuzlu tarixə malikdir, BANM isə gənc və sürətlə inkişaf edən universitetin dinamik enerjisini təmsil edir.
