ZİYARƏT MƏQSƏDLİ QISAMÜDDƏTLİ (C) ŞENGEN VIZASININ RƏSMILƏŞDIRILMƏSI  ÜÇÜN TƏLƏB OLUNAN SƏNƏDLƏRİN SİYAHISI

1) Xarici pasport:    

 - pasportun bitmə müddəti Şengen ərazisini tərk etdikdən sonra ən azı 3 ay etibarlı olmalıdır;

 - pasport son on il ərzində verilməlidir;

 - pasportda ən azı iki boş səhifə olmalıdır;

2) Viza üçün ərizə forması:

Viza üçün ərizə forması - tam və aydın doldurulmalı, səfər tarixləri dəqiq göstərilməklə ərizəçi tərəfindən  şəxsən  imzalanaraq təqdim olunmalıdır.  Ərizə formasını Səfirliyin Konsulluq Şöbəsində pulsuz əldə edə bilərsiniz və ya aşağıdakı linkə daxil olaraq Application form for a stay shorter than 90 daysnövünü seçərək, təklif olunan dillərdən birində (ingilis dilinə üstünlük verilir) çap edib, ingilis dilində doldurmalısınız (ərizəçinin adı və soyadı ingilis dilində xarici pasportdan köçürülməlidir): https://konzinfo.mfa.gov.hu/en/visa-application-forms

3) Şəkil:

Son 3 ayda, ağ fonda çəkdirilmiş 3,5 x 4,5 ölçüsündə 1 ədəd rəngli şəkil tələb olunur. Şəkil ərizənin üzərinə yapışdırılmalıdır.

4) Səyahət sığortası (tibbi):

Sığorta, qaldığı müddət ərzində Şengen sazişinin bütün üzv ölkələri ərazisində etibarlı olmaq şərti ilə tibbi məqsədlər üçün bütün xərcləri, o cümlədən vətənə göndərməni əhatə etməli və 30.000 avrodan aşağı olmamalıdır.

Macarıstan konsulluğu tək girişli vizalar üçün sığortanın qüvvədə olduğu halda iki həftəlik dəhliz təmin edir (Şengen zonasında qalma müddəti dəyişməz olaraq qalır).

5) Ziyarət məqsədli səfər üçün aşağıdakı sənədlər tələb olunur:

  1. Macarıstanda müvəqqəti yaşayış icazəsi olan dəvət edən şəxs (tələbə və s.) adından dəvətnamə məktubunda (macar və ya ingilis dillərində) aşağıdakı məlumatlar qeyd olunmalıdır: 1) dəvət edən şəxs və dəvət olunan şəxslər haqqında məlumat; 2) dəvət edən şəxsin yaşadığı ünvanı, telefon nömrəsi, e-poçt ünvanı və imzası; 3) qonaqların planlaşdırılmış qalma müddəti; 4) xərclərin ödənilməsi. Dəvət məktubu notarial qaydada təsdiq olunmalıdır və ya dəvət edən şəxsin imzası iki şahidin imzası  (hər iki şahidin imzasının yanında onun adı, soyadı, ev ünvanı, telefon nömrəsi, email ünvanı, şəxsiyyət vəsiqəsinin və ya Avropa İttifaqının ərazisində qanuni yaşayışı təsdiq edən sənədin nömrəsi qeyd olunmalıdır (həmin sənədin surəti məktuba əlavə edilməlidir)) ilə təsdiq olunmaldır. Həmçinin məktuba dəvət edən şəxsin Macarıstanda müvəqqəti və ya daimi yaşayış kartının surəti, əgər tələbədirsə tələbə kartının surəti və ünvan kartının surəti də əlavə edilməlidir. Nəzərə alın ki, dəvət olunan tərəfin səyahət müddəti dəvət edən tərəfin müvəqqəti yaşayış icazəsinin bitmə tarixindən sonra olmamalıdır;
  2. Ev sahibindən, onun yaşadığı yerin ünvanı, telefon nömrəsi, e-poçt ünvanı və dəvət olunan şəxslərin qeyd olunan müddətdə yaşamasına icazə verən ev sahibi tərəfindən şəxsən imzalanan macar və ya ingilis dilində razılıq məktubu. Razılıq məktubu notarial qaydada təsdiq olunmalıdır və ya ev sahibinin imzası iki şahidin imzası (hər iki şahidin imzasının yanında onun adı, soyadı, ev ünvanı, telefon nömrəsi, email ünvanı, şəxsiyyət vəsiqəsinin və ya Macarıstanın ərazisində qanuni yaşayışı təsdiq edən sənədin nömrəsi qeyd olunmalıdır (həmin sənədin surəti məktuba əlavə edilməlidir)) ilə təsdiq olunmaldır. Ev sahibindən son bir ay ərzində verilən əmlak kağızı (kupça);
  3. İcarəçi və İcarədar arasında imzalanan müqavilənin surəti.                        
  • Dəvət olunan şəxs(lər) tələbənin birinci dərəcəli qohumları (ata, ana, nənə və ya baba) olduğu halda tələbənin doğum haqqında şəhadətnaməsinin və digər qohumluluq əlaqələrini təsdiq edən müvafiq sənədin və Macarıstanın ərazisində daimi və ya müvəqqəti yaşayış icazəsini təsdiq edən sənədin surətini dəvət məktubuna əlavə etdiyi halda - viza rüsumsuz olacaq.
  • Əgər onlar bir yerdə vaxt keçirtmək istəyirlərsə, lakin dəvət edən tələbənin və ya Macarıstanda müvəqqəti yaşayış icazəsi olan şəxsin evində qalmağa planlaşdırmırlarsa, bu halda, göndərilən dəvət məktubunda (bax. yuxarıda bənd - a), Macarıstanda bir yerdə qaldıqları şəhərin adının qeyd olunması mütləqdir. Məktubda dəvət edən şəxsin, həmçinin iki şahidin imzası və onların adı, soyadı, ev ünvanı, telefon nömrəsi, e-poçt ünvanı, şəxsiyyət vəsiqəsinin və ya Macarıstanın ərazisində qanuni yaşayışı təsdiq edən sənədin nömrəsi qeyd olunmalıdır (həmin sənədin surəti məktuba əlavə edilməlidir). Məktuba dəvət edən şəxsin müvəqqəti və ya daimi yaşayış kartının surəti, əgər tələbədirsə tələbə kartının surəti və ünvan kartının surəti də əlavə edilməlidir. Müvafiq olaraq sənədləri Konsulluq Şöbəsinə  təqdim  edərkən, valideynlər qaldıqları oteldən bron (ərizəçinin adı və soyadı, qalacağı müddət və otelin əlaqə məlumatları qeyd olunmalıdır) təqdim etməlidirlər.
  • Dəvət olunan valideynlərin, uşaqların, baba və nənənin səfər müddəti ərzində bütün xərclərinin dəvət edən şəxs tərəfindən ödənildiyi halda – bu məlumat dəvət məktubunda qeyd olunmalıdır və müvafiq olaraq sponsorluq edən şəxsin maddi vəziyyətini təsdiq edən sənədlər (məs.: iş yerindən arayış, son 3-6 aylıq bank çıxarışı və s.) əlavə edilməlidir.
  • Dəvət olunan şəxslər viza üçün dəvət edən şəxsin Macarıstanda müvəqqəti yaşayış icazəsinin bitmə tarixinədək müraciət edə bilərlər.

6) Aşağıdakı sənədlərin surəti zəruridir:

1. xarici pasport (ərizəçi haqqında məlumat və onun imzası olan səhifə(lər) və son üç 3 ildə şengen vizaların surətləri, əgər varsa;

2. şəxsiyyət vəsiqəsi;

3. səyahət sığortası;

4. təyyarə biletinin bronu (gediş - dönüş);

5. həyat yoldaşı ilə səyahət etdiyi halda, nigah haqqında şəhadətnamənin surəti, notariusda ingilis dilinə tərcümə və təsdiq olunmalıdır (nigahdan sonra soyadın dəyişdirildiyi halda bütün sənədlər də (şəxsiyyət vəsiqəsi, xarici pasport, otel və bilet bronu və s.) müvafiq olaraq nigah şəhadətnaməsindəki soyada uyğun olmalıdır).

7) Maddi təminatı təsdiq etmək üçün aşağıdakı sənədlərin təqdim edilməsi tövsiyyə olunur:

- Əgər şəxs işləyirsə - iş yerindən arayışın orijinalı: işçinin maaşı, işəgötürənin VÖEN, möhür, imzası, ünvanı və əlaqə məlumatının yazılması şərti ilə; arayış notariusda ingilis dilinə tərcümə və təsdiq olunmalıdır (orijinalı ingilis dilində təqdim etmək olar, möhür və imza ilə), və əmək haqqı göstərilməklə elektron hokümət portalından iş yerindən arayış, azərbaycan dilində (www.e-gov.az); Hər iki arayış son bir ayda verilməlidir.

 - Fərdi sahibkarlar üçün – qeydiyyat haqqında şəhadətnamə (VÖEN), notariusda ingilis dilinə tərcümə və təsdiq olunmuş, və son 6 ayın vergi ödəməsi haqqında Azərbaycan Respublikasının Vergilər Nazirliyindən arayış;  sənədlər borcların olmadığını və gəlir məbləğini göstərməlidir.

- Fərdi özəl müəssisə üçün – reyestr haqqında çıxarış, notariusda ingilis dilinə tərcümə və təsdiq olunmuş;

- Şəxs təqaüdçü (pensioner) olduğu halda – Əhalinin Dövlət Sosial Müdafiə Fondundan  təqaüdün məbləği  haqqında  arayış  (notariusda ingilis dilinə tərcümə və təsdiq olunmuş);

- Əgər şəxs tələbədirsə - təhsil aldığı yerdən arayış: arayışın səfirliyə təqdim edilməsi, təhsil müəssisəsinin ünvanı və əlaqə məlumatı, məsul şəxsin imzası və möhürü qeyd olunmalıdır; notariusda ingilis dilinə tərcümə və təsdiq olunmalıdır və ya belə bir arayışı almaq mümkün olmadıqda (bayram və tətil günləri ilə bağlı) tələbə biletinin surəti notariusda ingilis dilinə tərcümə və təsdiq olunmalıdır;

Tələbələrin şəxsi gəlirinin olmaması səbəbindən, birinci dərəcəli qohumlardan (ata, ana, baba və nənə) biri səyahət müddətində xərcləri öz üzərinə götürməsi haqqında, notariusda ingilis dilinə tərcümə və təsdiq olunmuş öhdəlik məktubu təqdim etməlidir. Bundan əlavə, həmin şəxsin şəxsiyyət vəsiqəsinin surəti, iş yerindən və bankdan arayışı (çıxarış ilə birgə) məktuba əlavə olunaraq təqdim olunmalıdır. Qohumluluq əlaqəsini təsdiq edən sənəd: tələbənin doğum haqqında şəhadətnaməsinin və digər qohumluluq əlaqələrini təsdiq edən müvafiq sənədin surəti, notariusda ingilis dilinə tərcümə və təsdiq olunmalıdır.

 - Bütün kateqoriyalara aiddir - bank hesabı haqqında son bir ayda verilmiş arayış (hesab haqqında tam məlumat olmalıdır, ingilis dilində) və son 3-6 ayın çıxarışı.

Bütün sənədlərin sürəti A4 variantında olmalıdır.                   

Macarıstandan  göndərilən sənədlər skan (çap edilmiş) formasında qəbul oluna bilər.

Konsul həmçinin əlavə sənədlər tələb edə bilər.

Ərizəçi Azərbaycan Respublikasının vətəndaşı olmadığı halda, Azərbaycan Respublikasının ərazisində qanuni yaşayış icazəsi olmalıdır. Ərizəçi Azərbaycan Respublikasının ərazisində müvəqqəti yaşayış üçün icazə haqqında sənəd təqdim edirsə, o zaman sənədin bitmə müddətinə Şengen ərazisindən qayıdış tarixindən başlayaraq minimum 3 ay qalmalıdır