HÖRMƏTLİ ƏRİZƏÇİLƏR,

Azərbaycan dövlət bayramları ilə əlaqədar olaraq müəyyən olunmuş rəsmi qeyri iş günlərində Macarıstan Səfirliyinin Konsulluq Şöbəsi işləməyəcək.

Aşağıda  Macarıstanın milli bayramları ilə əlaqədar olarq 2019-ci ildə  səfirlik və konsulluq şöbəsinin qeyri iş günlərinin cədvəli təqdim olunur.

10 iyun 2019

20 avqust 2019

23 oktyabr 2019

1 noyabr 2019

24-26 dekabr 2019

1 yanvar 2020

Diqqət! Macarıstanın milli bayramları zamanı BLS Beynəlxalq şirkəti sənədlərin qəbulunu həyata keçirəcək.

Həmçinin nəzərinizə çatdırırıq ki, 17 may 2019-cu il tarixindən etibarən sənədlərin qəbulu yalnız həftənin bazar ertəsi, çərşənbə axşamı, çərşənbə və cümə axşamı günlərində həyata keçiriləcəkdir.  Həftənin cümə günü sənədlərin qəbulu 17 may 2019-cu il tarixindən etibarən həyata keçirilməyəcəkdir.

Təşəkkür edirik!

 

Macarıstanın Bakıdakı Səfirliyi ərizəçilərin nəzərinə çatdırmaq istərdi ki, turist məqsədli Şengen vizası üçün səfirliyin Konsulluq şöbəsilə (zəhmət olmasa, aşağıdakı məlumatla tanış olun) yanaşı Siz həmçinin BLS Beynəlxalq şirkətinə də müraciət edə bilərsiniz.

BLS Beynəlxalq şirkətinə müraciət etmək üçün ərizəçilər aşağıda göstərilən linkdə qeydiyyatdan keçməlidirlər: https://blshungary-azerbaijan.com/english/bookappointment.php

BLS Beynəlxalq Ltd.-nin əlaqə məlumatları:

Ünvan: Dalğa Plaza, Neftçilər prospekti 24, Bakı AZ1000, Azərbaycan

Tel: +994 12 511 1218; e-poçt: support@blshungary-azerbaijan.com

 

MACARISTAN SƏFİRLİYİNİN KONSULLUQ ŞÖBƏSİNƏ VİZA ÜÇÜN MÜRACİƏT PROSEDURU

1) Ərizəni Macarıstan səfirliyinin Konsulluq Şöbəsinə təqdim etmək üçün öncədən ifr.mfa.gov.hu ünvanınıda onlayn görüş təyin etmək lazımdır. Yaşından asılı olmayaraq hər bir ərizəçi üçün ayrı vaxt təyin etmək lazımdır, hər bir ərizəçiyə 15 dəqiqə vaxt ayırılır.

2) Ərizəçi sənədləri Macarıstan səfirliyinin Konsulluq Şöbəsinə şəxsən təqdim etməlidir. Sənədlərin qəbulu zamanı ərizəçinin barmaq izləri götürüləcəkdir;

3) Ərizəçi sənədləri Macarıstan səfirliyinin Konsulluq Şöbəsinə aşağıdakı ardıclıqda təqdim etməlidir:

  1. ərizə forması
  2. şəxsiyyət vəsiqəsinin surəti
  3. xarici pasportun surəti
  4. təhsil haqqında arayış (əgər mövcuddursa)
  5. nigah haqqında şəhadətnamə, ingilis dilində və notariusda təsdiq olunmuş (əgər mövcuddursa)
  6. iş yerindən arayış
  7. bankdan arayış və son 3-6 ayın çıxarışı
  8. otel bronu
  9. gediş-dönüş bilet bronunun surəti
  10. səyahət sığortasının surəti

4) Ərizələrə baxılma müddəti:

Ərizəçi maksimum 3 ay öncə və minimum 10 (təqvim) gündən gec olmayaraq sənədlərini təqdim edə bilər. 1 dekabr 2017-ci ildən qüvvəyə minən yeni qaydaya (zəhmət olmasa, ətraflı məlumat üçün linkə keçin Əlavə 16) əsasən ərizələrə baxılma müddəti minimum 10 (təqvim) günüdür.  Xarici ölkə vətəndaşlarının müraciətlərinə baxılması üçün minimum 15 (təqvim) günü və ya  daha çox müddət tələb oluna bilər.

Tələbələr və ya D katerqoriyasına aid digər ərizəçilər (3 aydan çox müddətində Macarıstanda qalmaq istəyənlər)  üçün viza proseduru bir aya qədər uzana bilər.

5) Viza rüsumu:

12 yaşdan yuxarı şəxslər üçün viza rüsumu – 35 avro təşkil edir; 12 yaşdan aşağı uşaqlar, təqaüdçülər və sosial müavinət alan digər şəxslər üçün Dövlət Sosial Müdafiə Fondundan müvafiq rəsmi sənədi təqdim etdikdə (ingilis dilində, notariusda təsdiq edilmiş) viza rüsumu tələb olunmur (pulsuzdur). D tipli viza (3 aydan çox müddətində Macarıstanda qalmaq istəyənlər)  üçün müraciət edən ərizəçilər üçün viza rüsumu 60 avro təşkil edir.

  Viza həmçinin aşağıdakı hallarda pulsuzdur:

  1. Macarıstanda daimi və ya müvəqqəti yaşamaq üçün icazə əldə edən şəxslərin birinci dərəcələri qohumlarına (ata, ana, nənə və baba, həyat yoldaşı) dəvət məktubu təqdim olunduğu hallarda (daha ətraflı “ziyarət” məqsədli sənədlərin siyahısında 7-ci bənddə tanış ola bilərsiniz);
  2. İdman məqsədli səfərlərdə, Macarıstanın və Azərbaycanın müvafiq Federasiyalarından dəstək məktubu olduğu halda;
  3. Beynəlxalq hökumətlərarası təşkilatlardan, Macarıstanın bəzi dövlət strukturlarından dəvətnamə olduğu halda, həmçinin Avropa Şurasının və Avropa İttifaqının dəstəyi ilə keçirilən konfrans və ya təlimlərdə iştirak etmək məqsədli səfərlərdə.

      Avropa İttifaqı ilə viza rejiminin sadələşdirilməsi haqqında saziş imzalamamış ölkələrin vətəndaşlarına, viza rüsumu 60 avro təşkil edir.

«D» kateqoriyalı vizanın ödənişi bütün ərizəçilər və bütün hallarda 60 avro təşkil edir. İstisna olaraq, Macarıstanın dövlət «Stipendium Hungaricum Scholarship» proqramından dəstək alan tələbələrdən viza rüsumu tələb olunmur (pulsuzdur).

Ərizəçi sənədlərini təqdim etdikdən sonra ona viza rüsumunun ödənişi üçün müvafiq çek verilir. Ödəniş Azərbaycan Beynəlxalq Bankının Əsas binasında (Nizami küç. 67) həyata keçirilir. Ərizəçi ödənişin həyata keçirildiyinə dair qəbzi konsulluqa həmin gün təqdim etməlidir.

6) Macarıstan Səfirliyinin Konsulluq Şöbəsinə Şengen vizası üçün yalnız iki halda müraciət etmək olar:

 -  əgər Macarıstan əsas istiqamət ölkəsidir;

 - əgər Şengen ərazisində bir neçə ölkənin ziyarət edilməsi planlaşdırılırsa, bu halda Macarıstan birinci giriş ölkəsidir və Macarıstanda keçirilən günlərin sayı Şengen ərazisində olan digər ölkələrlə müqayisədə bərabərdir.

7) Apellyasiya Proseduru:

İmtina olduğu halda ərizəçi apellyasiya şikayətinə müraciət edə bilər. Apellyasiya haqqında ətraflı məlumatı səfirliyin internet səhifəsində Konsulluq şöbəsi Apellyasiya Proseduru adı altında tapa bilərsiniz.

Viza proseduru və tələb olunan sənədlərin siyahısını burada əldə edə bilərsiniz: baku.mfa.gov.hu